14.09.23 代購，也是戰爭啊
星期五幫人gmarket買左嘢，因為朋友星期二夜晚返香港，如果可以趕係之前比到佢就可以唔洗寄返香港，但對於能唔能夠係星期二夜晚前到貨一直都唔係太肯定，直到星期一狀態終於由下單轉為配送中，而到今日下晝上緊堂個陣發現有個未接電話，好大機會就係已經到左，如果到左，我6點放學就即刻奔去天涯海角比我朋友，就算8點到機場都迎刃有餘。
但，1點落堂睇，什麼都沒有，3點落堂再睇，仍然係無。
6點放學，同房同我：你陣間係未都去？
！！
Oh! 原來今日有山學會meeting ，要教我地點用d gear!!
好，我抱有最後最後一個希望打去問，如果聽日先到到我就可以休息準備去meeting咩都唔洗煩。
電話接通了，但我講左一輪發現都係溝通唔到，於是佢叫我搵個韓國朋友打比佢。
韓國朋友韓國朋友韓國朋友⋯ 突然之間點搵到出黎呀！！
我奔左出房，逐間房睇邊到寫左韓國人直到我行到去pantry，見到一個女仔貌似韓國人就問佢你是韓國人嗎？ 佢話雖然唔係韓國人，但佢識韓文，於是我就即刻拜託佢幫忙。佢同對方傾左一陣，突然好似發現左d咩咁好驚訝，叫佢再打返去，但！
就係呢個時候電話無哂錢打唔到😹😹
個女仔有問過我係未今日趕住要？我話因為朋友今晚離開韓國，佢即刻啟動生死時速mode幫我趕返份郵件。我地於是係pantry 借左個外國人手機打，最後得出嘅結論係--- 我份件而家係個個送貨員到，而個個人而家係延大足球場附近，要今日拎既話，我地可以3個小時內去拎。
！！
같이가~
當我以為我要自己一個飛奔過去時，佢話佢同我去，因為去到仲要打電話睇個個人係邊。
為左充值電話令我手機可以打到，去左樓下既便利店，但原來充值只限現金，而我係唔夠現金，於是去ATM禁錢，再去便利店充值。
因為個個己經到左足球場，佢為左可以更加快去到仲搭左的士。
去到個陣係電話確認左好一段時間，又揮手又走出門口都搵唔到個個人，好彩最後都搵到並收功取件。
一路上回宿舍既路上佢同我講先發現原來佢係日本人，黎呢到exchange 一年。
返緊去既時候已經七點，無論如何，我既然成功拎到，都要趕去比我朋友架啦，但我朋友由我六點九開始問佢都仲未覆過我，我what's app今日洗左一次已經無哂記錄，但記得佢好似話七點半會從digital media city 走，所以我只好搭去digital media city。面對十點飛嘅佢，我真係非常焦急要聯絡到佢比我知我去緊搵佢，叫佢等埋我先走，但最衰佢得wifi完全無電話可以聯絡到，我搭緊巴士個陣想到我有可能要撲個空。
就係巴士嘅半路，佢終於what's app返我:
我走左啦😹頭先一直用唔到wifi
Sorry ah😹
!!!
走左？去到邊？等陣呀！！我黎搵你。
就係我好急住要叫佢等陣嘅時候，我一禁佢個名就彈apps!
試左好幾次，關左program再試都係咁！！！
好冷靜啲先，試下用Facebook msg。
出現嘅畫面係，ling ，我們已移至messenger。
嗯的確，係一日之前你仲係我電話到嘅。 那我再安裝吧，但什麼條款問題按極都安裝唔到。 好，別的方法別的方法。
We chat ? 對方沒使用we chat。
Kakao！！大佬你好彩有kakao。
一係你黎仁川機場。
好。
9點仁川機場。
當成功聯絡到之後所有嘢都順利了，充當一晚快遞員終於任務完成，趕到將最後一份代購物件帶回香港。
來到機場，我就有種離香港好近的感覺:)
Search